Այսօր սոուսներից ամենատարածվածը մայոնեզը և կետչուպն են, որոնք արդեն հոգնեցրել են: Բացի դրանից, կետչուպը վաղուց արդեն վնասակար մթերքների շարքին է դասվում, իսկ շոգ եղանակին կարելի է թունավորվել մայոնեզից:

Առաջարկում ենք սոուսների 7 բաղադրատոմս, որոնք իրենց համային առանձնահատկություններով գերազանցում են մայոնեզին և կետչուպին:

1․ Իսպանական սոուս՝ սալսա

• 15 հատ չերի տեսակի լոլիկ
• 1 շերտ սխտոր
• 20 գ կանաչ սոխ
• 20 գ սամիթ
• 1թեյի գտդալ բուրավետ քացախ
• 1ճաշի գդալ տոմատի մածուկ
• 1 ճաշի գդալ զեյթունի յուղ
• Աղ և բիբար ըստ ճաշակի

Պատրաստման եղանակը

1. Լոլիկը, սոխը և սամիթը լվանալ:
2. Բլենդերով հարել լոլիկը, սոխը, սխտորը և սամիթը:
3. Այնուհետև ավելացնել քացախը, տոմատի մածուկը և յուղը:
4. Համեմել աղով և բիբարով:

2․ Աղցանի սոուս

• 3 ճ. գդալ զեյթունի յուղ
• 2 ճ, գդալ բուրավետ քացախ
• 1 շերտ սխտոր
• Աղն ու բիբարը ըստ ճաշակի

Պատրաստման եղանակը

1. Սխտորի շերտը մանրացնել:
2. Փոքր տարայի մեջ լցնել զեյթունի յուղն ու քացախը, ավելացնել սխտորը և լավ խառնել:
3. Ավելացնել աղը և բիբարը, տարայի բերանը փակել և թափահարել:
4. Սոուսը ավելցնել բանջարեղենային աղցանին:

3․ Սամիթով սոուս

• 20 գ սամիթ
• 6 շերտ սխտոր
• 1 կիտրոն
• ½ թեյի գդալ կիտրոնի կեղև
• 100 մգ զեյթունի յուղ
• Աղ ըստ ճաշակի

Պատրաստման եղանակը

1. Սամիթը մանր կտրատել, կիտրոնի կեղևը հեռացնել, կիտրոնը լավ մզել:
2. Բոլոր բաղադրիչները հարել բլենդերով:
3. Պատրաստի սոուսը լցնել տարայի մեջ:Այս սոուսը շատ հարմար է օգտագործել մսեղենի և ձկնեղենի հետ:

4․ Սոուս ձաձիկի

• 2 շերտ սխտոր
• 1 վարունգ
• 125 մգ յոգուրտ
• 1 ճ. գդալ զեյթունի յուղ
• 1 ճ. գդալ կիտրոնի հյութ
• 20 գ մաղադանոս

Պատրաստման եղանակը

1. Սխտորը մանրացնել, վարունգը քերիչով անցկացնել:
2. Մաղադանոսը մանր կտրատել:
3. Բոլոր բաղադրիչները լավ խառնել թասի մեջ:
4. Հունաստանում առանց ձաձիկի սոուսի ոչ մի ճաշկերույթ չի անցնում:

5․ Քաղցրաթթու սոուս

• 4 ճ. գդալ ջուր
• 1 թ. գդալ եգիպտացորենի ալյուր
• 2 ճ. գդալ շաքարավազ
• 2 ճ. գդալ քացախ
• 1 ճ. գդալ տոմատի մածուկ
• 1 ճ. գդալ սոյայի սոուս
• 3 ճ. գդալ նարնջի հյութ

Պատրաստման եղանակը

1. Ոչ մեծ տարայի մեջ եռացրած ջրով բացել եգիպտացորենի ալյուրը:
2. Մետաղե կաթսայի մեջ խառնել շաքարավազը, քացախը, տոմատի մածուկը, սոյայի սոուսը և նարնջի հյութը:
3. Եգիպտացորենի ալյուրի խառնուրդը լցնել կաթսայի մեջ և կաթսան դնել կրակին: Եռալուց հետո կաթսան վերցնել գազօջախից:
4. Սոուսը մատուցվում է տաք վիճակում: Հարմար է եփած կամ տապակած մսի հետ:

6․ Սոուս պեստո

• 60գ ռեհան
• 2 շերտ սխտոր
• 50գ պարմեզան
• 3 ճաշի գդալ սոճընկույզ
• 100մգ զեյթունի յուղ
• Աղ ըստ ճաշակի

Պատրաստման եղանակը

1. Լվանալ և չորանցել ռեհանը: Սխտորը խոշոր կտրատել:
2. Փոքրիկ քերիչով անցկացնել պարմեզան պանիրը:
3. Բոլոր բաղադրիչները հարել բլենդերով, միայն զեյթունի յուղը լցնել 1/3 մասով:
4. Սոուս պեստոյին աստիճանաբար ավելացնել մնացած զեյթունի յուղը՝ անհրաժեշտ խտությունը ստանալու համար:

7․ Պանրով սոուս

• 200գ հալած պանիր
• 10 մգ բուսական յուղ
• 200 մգ սերուցք
• 3 ճաշի գդալ սոճընկույզ
• 50գ պինդ պանիր
• Համեմունքներ ըստ ճաշակի

Պատրաստման եղանակը

1. Պինդ պանիրը անցկացնել քերիչով:
2. Փոքրիկ կաթսայի մեջ խառնել հալած պանիրը, բուսայուղը և սերուցքը: Խառնուրդը մարմանդ կրակի վրա տաքացնել մինչև եռման աստիճան:
3. Կրակը բարձրացնել և սոուսի մեջ լցնել պինդ պանիրը և համեմունքները: Եվս 3 րոպե եռացնել և վերցնել կրակից: