Կաթվածը կանխելու համար խորհուրդ է տրվում հետեւել մի քանի պարզ կանոնների. հավասարակշռված դիետա պահել, զբաղվել սպորտով և հրաժարվել վնասակար սովորություններից,հավաստիացնում են Մեծ Բրիտանիայի առողջապահության ազգային համակարգի (NHS) փորձագետները։
Ինչպես գրում է ՌԻԱ «Նովոստի»-ն,մասնագետները կոչ են անում սահմանափակել ճարպոտ և չափից ավելի աղի սննդի օգտագործումը։ Իսկ ահա բջջանյութ պարունակող մթերքների և բանջարեղենի քանակը սննդաբաժնում ցանկալի է ավելացնել։
Փորձագետները նաև նշել են, որ արժե կանոնավորապես չափել զարկերակային ճնշումը, քանի որ կաթվածի առաջացման ժամանակ ախտանշանները հաճախ բացակայում են, և բարձր ճնշման մասին շատերը նորից չեն կասկածում ախտանշանների բացակայության պատճառով։
Կաթվածի պատճառ հաճախ դառնում են թույլ անոթները, ժառանգական հակվածությունը, «վնասակար» խոլեստերինի կուտակումը, դիաբետը, ճարպակալումը, առիթմիան կամ հիպերտոնիան, ինչպես նաև ալկոհոլի և ծխելու չարաշահումը։
Կաթվածի ռիսկը բարձրացնող ևս մեկ գործոն է փոխարինող հորմոնալ թերապիան, որն օգտագործում են 50-ից բարձր տարիքի կանայք։
