Երկվորյակներ: Կենդանակերպի այս նշանի ներկայացուցիչները կենսուրախ ու շփվող են թվում: Նրանք սիրում են խոսել, ժամանակ անցկացնել ուրախ միջավայրում: Բայց ոչ ոք չգիտի՝ իրականում ինչ են մտածում Երկվորյակները: Նրանց հատուկ է տարօրինակ և ոչ միանշանակ եզրահանգումներ անելը: Նրանք կարող են թաքնված ենթատեքստ տեսնել անվնաս կատակի մեջ և եզրակացնել, որ իրենց ցանկանում են ցավ պատճառել ու վնասել:
Ընդ որում, եթե Երկվորյակները որոշում են կայացրել,չափազանց բարդ է համոզել նրանց,որ սխալվում են իրենց դատողություններում: Կենդանակերպի այս նշանի ներկայացուցիչները վերլուծում են նույնիսկ ամենափոքր դետալները և կազմում աշխարհի սեփական պատկերը:Եթե նույնիսկ ամեն բան պարզ է ու հասկանալի,Երկվորյակները շարունակում են սխալներ որոնել:Նրանք չեն հանգստանում, քանի դեռ վեր չեն հանում հարցի՝ միայն իրենց հասկանալի էությունը:
Բացահայտելով իրականությունը՝ Երկվորյակները համառորեն շարժվում են նախանշված նպատակին հասնելու ճանապարհով: Սեփական աշխարհը Երկվորյակներին օգնում է պայքարել ու հաղթել:
Խեցգետին: Լռությունը ոսկի է: Այս ճշմարտությունը Խեցգետիններին վաղուց է հայտնի: Նրանք սովոր չեն բառեր շռայլել, քչախոս են, խոսում են ըստ էության: Բայց նրանց մտքերի հոսքը կարող է իսկապես զարմացնել: Խեցգետինները հաճախ ինքնամփոփ են, երկխոսության մեջ են մտնում իրենք իրենց հետ, գաղտնիքները վստահում են միայն իրենց:
Նրանք ծրագրավորված իրենց ամրոցն են կառուցում, ստեղծում իրենց փոքրիկ աշխարհը,իրենց ապահով զգում միայն այդ աշխարհում: Կենդանակերպի այս նշանի ներկայացուցիչները կարող են վստահել միայն ամենամտերիմ մարդուն, այն էլ՝ ոչ ամբողջությամբ: Ներաշխարհը Խեցգետիններին պաշտպանում է ճակատագրի հարվածներից, պատասխաններ տալիս հուզող հարցերին: Առանց սեփական աշխարհի կենդանակերպի այս նշանի ներկայացուցիչների համար դժվար կլիներ դիմակայել կյանքի իրողություններին:
Ձկներ: Երբեմն նույնիսկ Ձկներն իրենք չեն կարողանում հասկանալ՝ որտեղ է իրականությունը, որտեղ՝ իրենց երևակայությունը: Զարմանալի է, բայց կենդանակերպի այս նշանի ներկայացուցիչները մշտապես,անդադար իրենց երազանքների գրկում են: Դա նմանվում է սովորության, կենսակերպի:
Ձկները յուրաքանչյուր իրավիճակ պատկերացնում են տարբեր կողմերից, մտածում ամեն մանրուքի մասին: Միևնույն ժամանակ Ձկների երազանքներն իրատեսական են, նրանք հաճախ են կարողանում դրանք իրականություն դարձնել: Նույնիսկ, երբ խոսակցությունը չի հետաքրքրում Ձկներին, նրանք ժպիտով շարժում են գլուխը՝ ուշադիր ունկնդրի տպավորություն գործելով: Իրականում նրանք արդեն երկար ժամանակ իրենց աշխարհում են, երազանքները նրանց հեռացրել են իրականությունից:
Կենդանակերպի այս նշանի ներկայացուցիչները նույն սկզբունքով անցնում են ցանկացած դժվարության միջով: Նրանք պարզապես փակվում են իրենց մեջ, հեռանում խնդիրներից այնքան ժամանակ, քանի դեռ այն չի լուծվել կամ ավելի քիչ ցավ է պատճառում: