Անչափ համեղ, խրթխրթան և անուշաբույր խաչապուրի պատրաստելու համար անհրաժեշտ են հետևյալ բաղադրիչները․

• Շաքարավազ 1 ճ․գ․,
• Ձու 2 հատ,
• Կարագ180 գ
• Ցորենի ալյուր 350 գ,
• Կաթնաշոռ 320 գ,
• Սուլուգունի պանիր 230 գ,
• Թթվասեր 4 ճ․գ․,
• Սամիթ 1 փունջ։

Պատրաստման եղանակը․

Խառնեք 250 գ կաթնաշոռ, դրան ավելացրեք փափկացրած կարագ, 1 ձու և ալյուր: Հունցեք առաձգական խմոր:

Պատրաստեք պանիրը՝ այն անցկացնելով կոպիտ քերածով կամ մանր կտրատելով դանակով: Ավելացրեք կաթնաշոռ, ձու և նուրբ կտրտված սամիթ: Լավ խառնեք:

Խմորը բաժանեք 4 հավասար մասի: Յուրաքանչյուրը գրտնակեք 28 սմ տրամագծի կլոր շերտով:

Երկու հակառակ կողմերը գլորեք խողովակով՝ չհասնելով կենտրոնին: Հավաքեք մյուս երկու կողմերն այնպես, որպեսզի նավակ ստացվի:

Յուղաթերթիկի վրա դրեք պատրաստված նավակը: Դրա մեջ լցրեք կաթնաշոռով պատրաստված խառնուրդը և 25- 30 րոպե թխեք նախապես տաքացված ջեռոցում 200 աստիճանի տակ:

Մի սպասեք, որ կաթնաշոռով խաչապուրին սառչի: Այն պետք է ուտեք տաք վիճակում, մինչ պանիրի սառչելը: Բացի այդ, Դուք կարող եք պատրաստել կանաչեղենով և բանջարեղենով աղցան: Պարզապես կատարյալ է ամառային ճաշի համար:

Բարի ախորժակ․․․