Եթե ուզում եք հավի մսով որևէ նոր բան պատրաստել, ապա փորձեք այս ռուլետը. այն հիանալի տարբերակ է նաև հյուրասիրության համար
Բաղադրիչներ
Օմլետի համար՝
- ձու — 3 հատ
- պանիր — 100 գ
- մայոնեզ — 100 գ
- սպիտակաձավար — 1 ճ/գ
Միջուկի համար՝
- հավի միս — 300-350 գ (աղացած)
- սոխ — 2 գլուխ
- աղ — ըստ ճաշակի
- սև պղպեղ — ըստ ճաշակի
Պատրաստման եղանակը
Պատրաստում ենք օմլետը: Ձվերը, մայոնեզը, քերած պանիրն ու սպիտակաձավարը լցնում ենք ամանի մեջ և խառնում այնքան, մինչև ստացվի համասեռ զանգված: Թողնում ենք, որ սպիտակաձավարն ուռչի:
Պատրաստում ենք լցոնը: Սոխը մանրացնում ենք և բուսայուղով տապակում մինչև ոսկեգույն դառնալը:
Հետո լցնում ենք բլենդերի մեջ և մանրացնում ենք:
Միսը, սոխը, աղն ու պղպեղը լավ խառնում ենք:
Տապակի մեջ բուսայուղապատ թուղթ ենք փռում և օմլետի խմորը լցնում մեջը:
Թխում ենք 180 աստիճանում մինչև թեթևակի կարմրելը:
Թուղթը պոկում ենք:
Խճողակը տարածում ենք օմլետի մակերևույթին:
Ռուլետի նման փաթաթում ենք:
Հետո փաթաթում ենք նրբաթիթեղի մեջ և 180 աստիճանում թխում 40 րոպե: Թողնում ենք՝ հովանա նրբաթիթեղի մեջ, որպեսզի դուրս եկած հյութը ներծծվի ռուլետի մեջ:
Հովանալուց հետո կտրատում ենք ու համտեսում:
Վայելում ենք:
Բարի ախորժակ:
Ե՛վ գեղեցիկ է, և՛ համեղ ուտեստ, որը շատ հարմար է տոնական սեղանների համար: Կարելի է պատրաստել նաև ռուլետ հավի կամ այլ մսի խճողակով: