Ընդամենը 300գ աղացած մսից և մի քանի կարտոֆիլից կարող եք պատրաստել շատ ախորժելի, սննդարար, օրիգինալ ուտեստ։
Անհրաժեշտ բաղադրիչներ․
- միջին չափի կարտոֆիլ՝ 7-8 հատ
- աղացած միս՝ 300գ
- սոխ՝ 1 գլուխ
- գազար՝ 1 հատ
- տոմատի մածուկ՝ 1-2ճ․գ․
- բուսայուղ՝ տապակելու համար
- աղ, պղպեղ, ցանկացած համեմունքներ
Պատրաստման եղանակ․
- Մաքրած կարտոֆիլը կտրել մեջտեղից և հանել միջուկը։
- Այնքան կարտոֆիլ վերցրեք, որքան կտեղավորվի թավայի մեջ՝ մեկ շերտով։
- Տապակել կարտոֆիլը տաքացրած ձեթի մեջ՝ երկու կողմից, մինչ ոսկեգույն կեղև կառաջանա։
- Կարտոֆիլները դնել ափսեի մեջ և թողնել, որ մի քիչ սառի։
- Կարտոֆիլի միջուկները մանրացնել, միացնել աղացած մսի հետ։ Համեմել աղով, պղպեղով, ցանկության դեպքում աջիկա կամ այլ համեմունքներ ավելացնել։
- Միջուկով լցոնել կարտոֆիլի կտորները։
- Մանր կտրատել սոխը, տապակել ձեթի մեջ, ավելացնել քերած կամ մանր կտրատած գազարը, խառնել և շոգեխաշել 1-2 րոպե։ Ավելացնել տոմատի մածուկը, համեմունքներ և լցնել 1 բաժակ ջուր։
Մնում է մեջը դնել լցոնած նավակները, թավան ծածկել կափարիչով և եփել 45 րոպե։
Բարի ախորժակ։
