Վաղ առավոտյան սիրելի էակին հաճելիորեն զարմացրեք` հատուկ նրա համար նախատեսված օրիգինալ նախաճաշով: Այն հնարավոր է պատրաստել շատ արագ եւ առանց դժվարության:

Պատրաստման համար անհրաժեշտ է՝

• 2 երկար կաթնային նրբերշիկ,
• 2 ձու,
• 1 վարունգ,
• արեւածաղկի ձեթ,
• աղ, պղպեղ:

1. Սկզբում նրբերշիկը կիսում եք մեջտեղից այնքան, մինչեւ հասնեք ծայրին, այսինքն՝ մինչեւ վերջ չեք բաժանում:
2. Դրանից հետո թավայի մեջ տաքացնում եք ձեթը, նրբերշիկի կեսերը միացնում եք իրար՝ ստանալով սրտիկ եւ ատամմաքրիչի օգնությամբ ծայրը ամրացնելով:
3. Տապակում եք երկու կողմն էլ, հետո կոտրում ենք ձուն (ամեն նրբերշիկի մեջ մի հատը), թողնում՝ եփվի՝ չմոռանալով համեմել աղով ու պղպեղով: Ձեւավորում եք նախապես կտրատած վարուգով եւ մատուցում:

Հավատացեք՝ Ձեր սիրելին գոհ կմնա: